DNA ya Kuongezeka: Maono

Muhtasari: Barnaba hakumpelekea Sauli maono; alimpeleka Sauli kwenye maono hayo.

Maono ya vuguvugu linalozidi kuongezeka yanawezaje kupitishwa kwa waumini wapya?

Wakati wa wimbi la kwanza la mateso, baadhi ya waumini walitawanyika hadi Foinike, Kupro na Antiokia ya Siria. Huko Antiokia, waumini waliwashirikisha Watu wa Mataifa injili, na...

Viongozi wa Yerusalemu waliposikia jambo hili, walimtuma Barnaba kwenda Antiokia. Maneno yake ya kutia moyo yalifanya kazi hiyo istawi zaidi. Mtu angefikiri kwamba Barnaba angerudi Yerusalemu kwa furaha kubwa, akiwa na hadithi zenye kutia moyo na kugusa moyo ili “kueleza maono.”

Lakini badala yake, Barnaba akaenda kumtafuta Sauli. Mungu alikuwa amesema hivi kumhusu Sauli:

“. . . Sauli ndiye chombo nilichokichagua ili ujumbe wangu uwafikie Watu wa Mataifa na wafalme …” Matendo 9:15b

Barnaba hakumpelekea Sauli maono; alimpeleka Sauli kwenye maono hayo. Alimwonyesha kwa macho yake mwenyewe Watu wa Mataifa wakimgeukia Yesu. Sauli, aliyeitwa Paulo baadaye, na Barnaba walikaa Antiokia kwa mwaka mmoja na kuhudumu miongoni mwa waumini hawa wa Mataifa waliokuwa na shauku. Wafuasi wa Yesu waliitwa Wakristo kwa mara ya kwanza huko Antiokia (Matendo 11:26)!

Paulo alikuwa muhimu sana katika kueneza injili miongoni mwa Watu wa Mataifa. Lakini hatupaswi kumsahau Barnaba. Barnaba alionyesha kwamba njia bora ya kushiriki maono ni mtu kumshirikisha mtu mwingine kwa kumwezesha kuyaona mwenyewe. Fikiria jinsi Barnaba alivyouathiri ulimwengu wote kwa sababu alimpeleka Paulo kwenye maono hayo, badala ya kujaribu kumweleza akiwa mbali!

Unawezaje kushiriki maono ya Mungu na waumini wengine katika maisha yako? Unaweza kuwasaidia kwa njia zipi za vitendo wayapitie wenyewe badala ya kuwafundisha tu?